■全場真皮梳化夠氣派。
呢晚我就走咗去漆咸圍嘅「 M-Plus」飲吓嘢，其實間場喺漆咸圍都幾經風雨，到咗家都企得咁穩，無他嘅，環境夠舒服，張張枱都係梳化枱，酒吧又不時翻新，唔會給客人殘舊的感覺，而且仲識食住個勢，呢期興掟鏢就有兩部鏢機供應俾大家娛樂；就算睇足球直播，都整個大投射， 150吋睇直播，梗爽啦！至於 K歌，一定新歌夠快，又唔使我多講。酒水方面，歡樂時光一 Set啤酒$128，正價就$216；大酒$880，尖嘴價，唔使諗咁多，啱玩就行入嚟。
■環境舒服，中間吧頭旁仲有鏢機，最啱鏢友嚟玩啦！
講完酒吧，當然要介紹吓呢度嘅靚女 Ada。佢猜得兩板之餘，仲係一等一英超 Fans，「我就最鍾意利物浦，最欣賞球員就係謝拉特。不過，講到邊個領隊最快被人炒，就一定係利物浦嗰個鶴臣，睇佢上半季嘅表現就有 10個理由炒得佢啦！我估佢再帶多幾場輸波，即炒！」
■大投射幾時用嚟睇波都讚啦！
■生啤一樣有得飲，而且仲有不同款式選擇。
（地址：尖沙嘴漆咸圍 1-3號多福大廈地下 D及 E舖）
