又到星期五，諗掂今晚去邊度 Clubbing未呢？尖沙嘴亞士厘道會係個不錯選擇，位於雅士利中心 9樓的「 Soul」出名氣氛熱鬧歡愉，係間提供專業級音響設備的消閒場所！環境方面，未入舖頭前早就被門口時尚的燈光吸引，店內裝潢以高貴的紫色窗簾，配以全場紫色的舒適梳化，加上不同的位置亦裝有璀璨的水晶吊燈，燈光效果一流，適合大家包場大搞派對之用。全場足可容納 150人，包場最少 100人起，作為大型派對十分適合， VIP大房可容納 40人，細房就可容納 20人。酒水方面，行任飲制，星期一至四男士$200、女士$150，星期三女士之夜男士$280，星期五男士$250、女士$180，星期六男士$280、女士$200，以該大廈嚟講唔係貴 o架啦！
靚環境平酒水一定吸引不少靚女熟客，好似 Coey就係「 Soul」的支持者，問到 Coey點睇南華新外援！「吓，乜香港仲有足球聯賽嘅咩，家仲邊有人睇本地波 o架，睇都睇英超、西甲啦！」 Coey雖然講得冷淡，但又真係事實，希望南華今次真係可以帶番起香港足球啦！
■門口時尚的設計，令人一出就充滿期待。
■酒吧以紫色為主打顏色，給人一種 Relax感覺。
■招牌搶眼之餘仲非常閃！
■ L形發光吧頭，最適合同 Bartender吹吓水飲吓 Cocktail。
（地址：尖沙嘴亞士厘道 23-25號雅士利中心 9樓）
