點知「 Bar Pacific XIX」嘅靚女 Kally話：「蛋卷，我啱呀！你唔要，我用朱古力同你換吖？」朱古力，係咪天神整出嚟嗰隻先？「呢隻貴嘢嚟 o架，你要換呢隻，就要你兩盒蛋卷。」嘩！你都幾識計數，不過，我嚟得探你，唔使換，轉頭買盒畀你又點話啫。
估唔到新年嚟到呢度一樣咁旺場，仲諗住新年酒吧一定冷清，估唔到都有咁多 Fans撐場。無他嘅，間吧雖然唔大，但設備一應俱全，足球直播、卡拉 OK、鏢機齊晒，不過，我最欣賞佢哋嘅座位，梳化夠大，仲紅卜卜好鬼靚，而且仲好應節，新年最好嚟旺吓；加上酒水無加價，歡樂時光$20一支啤酒，正價$30一支；大酒$680，均真，住呢區梗係要撐吓啦！
■今時今日嘅酒吧，無鏢機點得 o架！
■投射唱 K，坐最遠都睇到。
■吧頭對住大電視，睇足球直播最好。
■紅色梳化最應節！
（地址：荃灣聯仁街 12-26號地下）
