■酒吧主打軒尼詩，梗有靚靚酒櫃做裝飾啦。
講咗咁耐，當然要介紹吓佢哋俾大家識啦，三位靚女侍應分別係阿 Ling、 Carmen同 Louis，問到三位有乜開運奇招？阿 Ling：「梗係搵朋友，仲要係水魚嗰隻，打番十圈八圈贏錢開運啦！」 Carmen：「我就無你咁煩，買場波 1.01嘅主勝，十蚊開運咪仲好！」 Louis：「同多啲客人講恭喜發財賺多啲利是，咁就自然有財運啦！」三位靚女，你一句我一句，我都插唔到嘴，都係報埋酒水價錢先喇，歡樂時光$114一 Set啤酒，正價就$228；大酒$800，$1,800有三支。另外，仲有任飲，星期一至四男士$250、女士$100；星期五男士$300、女士$100；星期六男士$300、女士$200；星期日就男士$200、女士$100，女士咁抵，唔怪得咁多靚女嚟啦。
■最新 Online鏢機，一個人都可以 Online搵人比賽吓。
■全場大梳化，坐得舒服唔會腰骨痛，最啱 Clubbing飲天光。
（地址：尖沙嘴漆咸道南 53-55號嘉芙中心 13樓）
