酒水價錢方面，歡樂時光$128一 Set啤酒，正價就$178；大酒一支$680，公價無收貴。任飲星期日至四，男士$200、女士$130；星期五、六及假前，男士$250、女士$180，飲得到就梗係 Join任飲抵啦！
嚟得呢度，當然要搵我好友 Ceci吹吓水先啦，問佢點樣開運？「吓，今日初四先嚟開運遲唔遲啲呀？想開運最好時間就梗係年三十晚出去行吓花市，運番盆大吉返屋企啦！」嘩！都過晒啦，有無啲後補方法呀？「後補當然無咁好啦，不過如果大家真係想轉吓運，就去拜吓車公，轉吓個風車，記得畀香油錢，如果唔係黑到落年尾都唔出奇！」哈，呢個 Ceci睇樣又唔似咁迷信，不過，想開運拜車公又係香港嘅傳統嚟嘅，大家信嘅話就不妨拜吓啦！
■ VIP房夠大之餘，梳化顏色仲好有格調。
■環境簡約舒服，三五知己嚟 Clubbing最啱。
（地址：尖沙嘴厚福街 12-12A號藍馬商業大廈 12樓）
