Amanda搶住話：「我都係最愛食蘿蔔糕，唔知點解平時都唔會食得多，但一到新年就會一家人爭住食！」 Mabel就話：「我就最鍾意食瓜子，一見全盒有就停唔到手，而且最啱新年送酒用！」 Anna覺得：「其實樣樣都好食，不過講至愛就會揀年糕，而且最好就係椰汁味嗰款，街邊好少有，所以，如果有，一次過食半底都得！」嘩！一次過半底年糕，又真係幾犀利吓，但係一年一次啫，大家食得開心最重要，最多食完先減肥。
講完新年美食，又梗係講吓佢哋呢間主場啦，以尖沙嘴上樓吧嚟講，地方可以話係大場級數，除咗大廳有大量座位外，更有一個露天平台，嚟緊天氣回暖，望住夜空飲吓酒、傾吓偈，真寫意！兩處地方加埋，閒閒哋二百人都坐得落 o架。
娛樂設施方面，卡拉 OK、鏢機、足球直播基本嘢都有齊。酒水方面，歡樂時光就$126一 Set啤酒，正價就$198；大酒$650支，比出面平好多。任飲方面，星期日至四，男士$280、女士$250；星期五、六，男士$320、女士$280，任飲就尖少嘴公價啦，飲得到，幾時都係任飲抵 o架啦！
■大廳夠大，座位夠多，上嚟唔會摸門釘。
■設有露天酒吧區，最啱數星星飲吓酒。
（地址：尖沙嘴金馬倫道 22-24號東麗中心 4字樓）
