$6,000點使之六：豪食米芝蓮 Hebo

元朗酒吧特別多，最近又俾我搵到間好嘢，酒吧名叫「 Hebo」，睇門口好似平平無奇，不過入到去就十分驚喜。介紹環境先啦，酒吧有長長吧頭最啱一個人嚟飲酒，另外仲有唔少四方枱，成間吧百零人都坐得落。娛樂設備方面，有足球直播，亦有卡拉 OK，當然唔少得今年又多人玩番嘅飛鏢機啦！酒水方面，元朗區一定抵飲，歡樂時光$108一 Set啤酒，正價$178，大酒$680，所以話飲嘢唔一定要出尖沙嘴，發掘吓自己屋企附近環境，隨時有好酒吧都唔奇！




■地方簡約舒服，係元朗區值得一撐嘅酒吧。


至於靚女方面，呢晚我就識到兩位靚女熟客 Tiffany同 Gloria，問吓兩位靚女打算點使$6,000， Tiffany：「當然係買禮物送畀自己啦，至於係乜就睇吓收錢時興啲乜再諗！」 Gloria：「我會同屋企人食餐好嘅，好似有餐廳推出$6,000米芝蓮菜式，人一世物一世，有機會一定要去試啦，咁你又點使先？」反問我？心嗰句就梗係玩晒佢，口嗰句就畀晒屋企啦！至於係點，同 Tiffany一樣收到錢先算啦。






■兩姊妹好鬼 Friend，仲係酒吧嘅熟客。




■室內吊燈加大招牌，感覺即刻升晒呢！




■卡拉 OK點唱販賣機？我都係第一次見！


（地址：元朗安寧路 83號地下）